Di tur sorto di movecion cu e especie humano a clasifica, nos ta busca temblor. E titulo di e exposicion aki precisamente kier indica e publico na e buskeda pa ampliacion di e perspectivanan for di cual nos ta aborda nos realidadnan contemporaneo. Temblor, como un movecion diripente pa libera energia, ta permiti nos gradualmente pa sacudi ideanan ripiti y stabil for di nos, cu a forma y condiciona nos manera di construi e mundo, y a traves di e movecion aki cu diripente ta aparece y ta desaparece, nos ta sigui encontra nos propio manera di biba. 

 

Nos ta busca temblor ta un exposicion deriva di e programa di residencianan, desaroya durante seis luna cu a pasa cu artistanan di Caribe insular y continental pa medio di Uniarte. A pesar cu e proyecto ta sosode den e espacio virtual no necesariamente e tabata un primicia for di cual cada artista a parti for di otro, pa por construi nan obra y por lo tanto no tur ta responde na e caracteristicanan y dinamismo di e mundo virtual. E metodologia uza den e programa tabata tin como obhetivo acompaña e procesonan di investigacion y e interesnan di cada artista y na e mesun momento genera espacionan colectivo di discusion pa haci e proceso di reflexion absorbente. Mas leu cu construi storianan expectativo pa e exposicion, cada artista a sigui desaroya su obra den relacion cu e combersacionnan cu a wordo sosteni durante e residencia. Locual constantemente a bin dilanti, ta e interes pa sacudi e campo conceptual, for di cual nos ta custuma di acerca nos realidadnan como ser humano. Algun topico di acercamento ta e puntonan temporal, di ta conciente di luga y e transparencia en cuanto e codigonan existente. Mescos cu idioma, como constructor di realidanan social y herment pa autodeterminacion.

 


Un anotacion, pasobra e movecion di temblor ta contempla su mes cu tambaliamento:

 

Nos ta propone pa scucha alrededor di bo pa sinti e siguiente movecion. Sonido y e idea di ekilibrio ta intimamente liga na otro; stabiel e no ta, bo por bisa nan ta contraste di otro. Ta parce cu nos no tin mester di stabilidad, pero cu nos mester reencontra nos mes cu loke ta move, ta pesey e pauze.

 

Prome cu e ehercicio proponi, ta parce nos interesante pa studia e hancro, un di e poco obheto produci pa e especie humano cu ta materialisa e nocion di lo instabil. Su funcion ta pa tene nos mara caminda nos ta y garantisa e stabilidad necesario pa un accion particular. Nos kier mira e invencion, como nocion cu lo mas importante den e mundo cu nos ta habita, ta movecion… asina ta laga nos stop di tene nos mes na e structuranan rigido, si algo pretende cu e ta completamente rigido, e lo no sobrevivi. Considerando cu pa basta tempo nos sa caba cu movecion di e Mundo ta tambalia, nos por mira tambaliamento como un cualidad di cosnan y no como un suceso accidental.

 

Tambaliamento ta un movecion suave cu un caracter ciclico, e ta semper ta regresa na e punto di comienso… aunke dicho origen no ta e mesun cu ora el a sosode. Durante e pauze cosnan a move, dal den otro, kibra, tabata tin caos, purificacion y boroto, hopi boroto…

 

Ora di tambalia, tur cos ta wordo influencia, pero e experiencia lo ta pa cada elemento distinto, pues ora e ciclico ta bolbe na e punto di “origen” e no lo comporta su mes mescos, aunke cu ta parce asina. E ta un memoria cu ta crea y cu ta graba profundamente den nos. Den obhetonan pasivo nan aparencia fisico lo confirma e memoria di e suceso.

 

E tambaliamento te destabilisa lentamente y hopi biaha den un ritmo progresivo, semper cu e posibilidad cu e por bira un movecion leve of un temblor… tambaliamento ta distingui door di e sonido cu e ta genera?,

descifra e zonido ta yuda pa defini e tambaliamento y ta forma un codigo Morse pa move durante y despues… 


Nos ta pensa cu si nos por zoom-in ariba un transcurso di un tambaliamento, cu nos por encontra jabinan cu por sirbi pa habita e momento actual y esnan despues, naturalmente esaki lo depende di e tipo, e intensidad y e contexto den cual esaki ta wordo experencia -cu ta manera un vehiculo pa e experiencia-… e mas importante en todo caso ta pensa over di kiko ta move, y kiko ta e motibo di e kiebro.[1]

 

[1] Tin otro version di e texto aki, e prome a wordo skirbi na April 2020 y publica como parti di un entrevista den e revista Buchaca Generosa no. 10 of Teorética, na September 2020. Pa haya acceso: https://teoretica.org/2020/09/10/buchaca-gen-10/

 



ABOUT THE CURATOR

Yina Jiménez Suriel ta comisario y investigado cu un master den estudionan visual. E ta e editora asocia di e revista Contemporary And (C&) pa America Latino y Caribe. E ta e curadora asocia di e Caribbean Art Initiative (Iniciativo di Arte di Caribe). Entre e exposicionnan cu el comisiona por encontra: Vehículos. Una revisión (2018) den Casa Quien (República Dominicana); one month after being known in that island (2020, un luna despues di bira conoci na e isla aki) den e Kulturstiftung Basel H. Geiger (Suiza) hunto cu e artista Pablo Guardiola; y de montañas submarinas el fuego hace islas (2022) na Pivô (Brasil) produci huntu cu Kadist. Den e zomer di 2022 e tabata residente den e programa di residencianan di e Fundacion Delfina. El a colabora entre otro den programanan publico y tayernan na Beta Local, La Cresta, Espacio en Blanco y Museo di Arte Contemporaneo di Panamá. El a participa den simposionan y seminarionan academico na e Universidad di los Andes, Universidad Autónoma de Madrid, FHNW Basel Art Institute, Southern Methodist University, Pratt Institute, entre otro. Yina a skirbi pa catalogonan di exposicionnan di e Museo di San Luis Obispo y di Museo di Arte na Denver, y tocante arte contemporaneo y cultura visual den publicacionnan manera Foam Magazine, Terremoto, Contemporary And, y Revista di Arte di UNAM, entre otro. 

Yina ta biba y traha na República Dominicana