Ginelly Quandt
Eksperensia
Inkonsistensia
Otro ambiente
Turbulento
OTROAMBIENTE
TURBULENTO
CURATORIAL TEXT SHORT DESCRIPTION
Experience inconsistency | Experiencia inconsistencia (2022) ta e titulo di e obra di Ginelly Quandt den cual e ta explora zonidonan pa penetra den e storia cu ta busca pa reforsa e idea cu ta existi un distancia entre e zona urbanisa y e “zona natural”. Den e obra aki en particular e ta haci esaki relaciona cu e wetland y e zona proteha di Spaans Lagoen na Aruba. Quandt ta interesa pa pensa encuanto con nos por crea experiencianan di zonido cu ta demostra e aceleracion di urbanisacion di hopi area cu nos ta somete na esaki den nos afan pa desaroya y progresa.
DETAILS
medium: soundscape
lenght: Turbulencia 00:01:40min
Otroambiente 00:02:18min
Ginelly Quandt ta mihor conoci como Ginelly na Kaminda, e ta un artista musical cu ta usa diferente elemento musical pa crea tonadanan. E trabao di Ginelly ta refleha e nesecidad di identidad usando diferente disciplinanan manera musica y grabacionan den practica, presentacionan y imagenan pa explora topiconan manera problemanan social, naturalesa y comportacionan humano. Reflehando rond di dje y rond di su espacionan contemporaneo e ta encontra pensamentonan nobo y experiencianan cu ta dune inspiracion pa expresa su mes, conecta cu otro y produci arte. Despues di a caba su estudio di Music-Production na Hulanda ela bolbe bek Aruba na unda cu ela bin den contacto cu Stichting Rancho cu ta organisa projecto y actividadnan social cultural den e bario historico di Rancho.
E experiencia cu ela obtene trahando den e sector cultural na Aruba ta pone conecta cu e comunidad local y crea contenido nobo como un artista multidisciplinario, participando entre otro den projectonan investigativo cu e colectiva di arte interdisciplinario Much’i Mondi . Tambe ela ecolabora cu productor musical local Chando Held, tambe ela facilita projectonan di Hip Hop manera Street Rap Musical di CINE ARUBA. Ademas di esaki ela host podcasts cu Luangofreq297 , haci presentacionan muscial y hopi mas.
Ginelly ta biba y traha na Aruba.
