Melissa Bonilla (Melissa Llamo)
Zoya – Pa laman e pregunta

CURATORIAL TEXT SHORT DESCRIPTION

 

E obra Vaiven (2022) di e serie A-mar la pregunta di Melissa Bonilla ta un obra cu ta materialisa duda, ta cana dwaal como afan pa construi mundo. Desorienta en cuanto e acto di pensa tocante e caminda cu nos ta tuma mientras cu nos ta reflexiona; tumba caminda drechi y kere den caminda dobla. Un animacion ariba dos canal, cu fragmentonan di texto, cu ta aparece di forma no sincronisa, ta invitanos pa experencia cierto sensacionan for di e contexto di e ocean y visualisanan, pa stimula e proceso di transformacion cu tin biaha ta confuso y tin biaha mas evidente.

DETAILS

MEDIUM: Video
DURATION: 3:15

Melissa Bonilla (Melissa Llamo). E ta un artista multidisciplinario cu un diploma den e ramo di Social Communication y a specialisa den Audivisual Production di Pontificia Universidad Católica Madre y Maestra. Na 2021 ela wordo selecciona pa e di 28 Eduardo León Jimenes Art Contest y den e mesun aña ela participa na e di XXIX National Biennial of Visual Arts di Republica Dominiano. Na 2022 e tabata parti di e grupo di exposicion ‘Materia Palpitante’ di e Artist Training Program di Eduardo León Jimenes Cultural Center. Ela wordo selecciona pa e CATAPULT 2022 Art Program cu ta un colaboracion entre Kingston Creative y American Friends of Jamaica. Via su trabao e ta analysa su alrededor for di e perspectiva di su emocion y sentimentonan, interpretando esaki como e creadornan di un realidad individual cu ta manifesta su mes manera sensacionan corporal y metaforanan poetico di experiencianan diario den e teritorio Caribense/espacio unda e ta biba.

 

Cu un lenguahe cu por wordo considera minimalista, e ta crea ilustracionan digital for di informacion cu e ta obtene door di analysa loke e ta percibi,esaki ta refleha e perspectiva di e curpa y e sentidonan ora di aserca hende, e experiencianan di cana door di  e ciudad y su encuentronan cu lama/espacionan di awa. Ademas di ilustracionan digital e ta experimenta cu animacionan y recientemente tambe cu instalacionan na unda e ta busca pa recrea e experiencia di sensacion y emocion door di movicionan organico

E ta purba di compronde Caribe door di investigacion di e filosofia existencial cu ta rondona loke ta forma su identidad. Esey kiermen cu for di e punto di bista emocional e ta navega entre poetica y narrativa di loke kiermen pa existi den e region aki den mundo. Na mes momento e ta pensa di keda experimenta cu obhetonan fisico y digital cu ta crea animacionan organico produci door di luz, sombra, awa y colornan, pa asina compronde e formanan primitivo cu ta contene e posibilidad di e lenguahe puro di sinti.

 

Melissa ta biba y traha na Republica Dominicana.