Ailsa Anastatia
Un anhelo pa bolbe konektá.
CURATORIAL TEXT SHORT DESCRIPTION
Ailsa Anastatia a traves di un instalacion di video titula Un anhelo pa rekonektá. A longing to reconnect (2022) ta trata e dinamica di consumo den relacion cu e produccion di sushi den un contexto insular, e desintegracion di responsabilidanan individual y colectivo y e impacto riba e cambio di e area den cual nos ta biba aden. E memoria como archivo afectivo cu ta aparce den e imagennan cu ta move, ta parce di ta buscando e fragmentonan indefini di cierto wetlands y lagunanan cu awe ta testigo di procesonan industrial, cu ta straño na e realidadnan geografico den cual esaki ta tuma luga. Tin momento cu e obra solamente ta permitinos pa mira manchanan di color absolvi di e posibilidad pa concretamente crea imagenan, cu e imagenan di otro temponan ora cu e areanan tabata areanan cu hopi wetlands y lagunanan.
DETAILS
medium: video installation
dimensions: site specific
duration: 2:21 (Loop)
Ailsa Anastatia ta un artista multidiciplinario. Su trabao ta refleha e ser humano y e interaccion den e espacio rond di dje. E ta sondea e relacion entre paisahe, architectura y e espacionan cu nos ta biba aden y recientemente e ta explora ‘espacionan socio-politico’. Den su trabao e ta incorpora spiritualidad, memorianan y herencia cultural den su narrativa visual.
Ailsa Anastatia a cuminsa su estudio na Fontys School of Fine and Performing Arts na Tilburg, despues ela sigui su estudio na Amsterdam University of Arts. Ela participa den diferente exposicion local y exposicion colectivo internacional. Na e momentonan aki e ta trahando riba su di dos Solo exposicion. Su trabao a wordo exponi door di diferente residencia (CBK Zuid-Oost), ademas di exposicionan (Open Stal) y tambe den diferente publicacion (Emtangled Species by Sasha Dees). Durante su participacion den e Atlantic World Fair (AWAF) 2022 Anastatia a wordo selecciona como ‘Curator’s Choice’ door di e curadonan Rosie Gordon-Wallace y Albertine Kopp. Ademas di su propio practica e ta un educador di arte y miembro di directiva di Instituto Buena Bista (IBB). IBB ta e centro pa arte contemporaneo na Corsou cu ta duna hobennan creativo un curso preparativo di dos aña den e areanan creativo of artistico y e ta un lugar di residencia pa artistanan internacional.
Ailsa ta biba y traha na Corsou.
