Vesuhely Americaan
Diskulpa - Diskulpá , 2022
CURATORIAL TEXT SHORT DESCRIPTION
Diskulpa – Diskulpá (2022) di Vesuhely Americaan ta acerca e comportacionan social stereotípico construi relaciona cu e idea tocante hende muhe y nan capacidadnan, abilidadnan of actividadnan propio. Door di extractonan di texto cu ta aparece den articulonan di prensa den circulacion masivo, den bukinan religioso y den combersacion oral y comun, e sub texto ta desvela e contradiccion entre e mandatonan cu ta tene nos nocion colectivo en coneccion cu e rol social aki, den su gara.
DETAILS
Medium: video collage
Duration: 3:16 min
Vesuhely Americaan tin un Bachelor den Fine Arts na University of Arts Utrecht (HKU) di Hulanda. E ta co-fundador di Carrying Narratives, un collectivo di escritornan hoben na Corsou. Creative writing ta un parti importante den su practica. Hopi biaha e ta usa writing den su videonan, su performance y installacionan. Ela studia na instituto Buena Vista(IBB). Tambe ela traha na IBB y a participa na projectonan di IBB manera All You Can Art na Kunsthal Rotterdam. E temanan principal den su practica ta problemanan socio politico y identidad. Pa Vesuhely identidad ta fluido, e por cambia cu madurez, cu cambio den creencia of te hasta ora ta engrandece e cuadro di referencia door di biba na un otro pais. Den su trabao tin un constante buskeda na identidad, e necesidad pa redescubri esaki y asina crea un identidad nobo. E curazon di su sondeo ta e historia colonial. Esaki ta un topico cu semper ta bin bek ora e ta purba compronde e concepto di nos identidad y nos comportacion colectivo. Su trabao hopi biaha ta un comentario riba situacionan cu e ta topa den su bida diario. E colornan cu semper ta bin bek den su obranan ta preto cu blanco combina cu e color di cuero. E ta traha cu video performance y instalacion den forma di collage door di usa repeticion , personanan of imagenan cu ta aparece mas biaha ademas di pone imagenan, texto y fabrica riba otro. Cu su trabao e ta cuminsa combersacionan y ta habri mente di hendenan cu otro perspectiva. Pesey e inclusion di hende door di interview y combersacionan ta un parti esencial den su practica. Door di haci esaki den su trabao e ta purba evoka sentimentonan y reviva memorianan.
Vesuhely ta biba y traha na Corsou.
